Latest Posts & Updates

Fresh stories, announcements and offers about Ayurvedic Clinic, Allergist, Sexologist, straight from our business.

February 6, 2023

देह दान केल्यानंतरचे संशोधनाचे निष्कर्ष

36 वर्षांच्या तरूणाला कर्करोग झाला जो शेवटच्या टप्प्यावर होता. तरूणपणात त्याने कधीही गुटखा, सिगारेट, पान, तंबाखू आणि दारूचे सेवन केले नाही. वेळेवर कामावर गेला, त्याला कसले वाईट व्यसन नव्हते. कुटुंबासह सुखी होता. त्याला कसला आजार नव्हता, चिंता नव्हती. फक्त 2/3 दिवसांपासून पोटात दुखणे सुरू झाल्यामुळे डॉक्टरांशी संपर्क साधून उपचार सुरू केले. पण कोणताही फायदा न झाल्यामुळे, त्याच्या वडीलांनी मोठ्या डॉक्टरांना भेटून त्याचे सर्व अहवाल तेथे दाखविले आणि त्यांना कळले की पोटाच्या आतड्यांमध्ये कर्करोग आहे. डॉक्टरांनी त्याच्यावर उपचार सुरू केले, उपचारा दरम्यान घर गहाण ठेवले. दागिने विकले गेले, परंतु परिणामी त्याचा मृत्यू झाला. डॉक्टरानी कुटुंबाला त्याचा अग्नि संस्कार न करण्याचा सल्ला दिला. त्यांना मानवी सेवेसाठी शरीरावर संशोधन करण्यासाठी रुग्णालयात दान करा असे सांगितले. आणि त्यांनी दान केले. संशोधनानंतर असे आढळून आले की प्लास्टिकच्या बाटल्यांमधून पाणी प्यायल्याने त्यांतून बाहेर पडणाऱ्या रसायनामुळे त्यांना कर्करोग झाला होता... त्यानंतर डॉक्टरांनी त्याच्या कुटुंब आणि सहकाऱ्यांशी संपर्क साधला आणि त्यांच्या खाण्यापिण्या विषयी चौकशी केली. त्याला चहा पिण्याची सवय होती. तो दिवसातून पाच ते सहा कप चहा प्यायचा. मग हे सुद्धा समजले की आपण जिथून चहा मागवतो तो चहा प्लास्टिकच्या पिशव्यांमधून येत असे आणि चहा प्लास्टिकच्या कपा मध्ये दिला जात असे. अनेकदा असे दिसून आले आहे की लोकांना दुकानातून प्लास्टिकच्या पिशव्यांमधून गरम चहा, गरम भाज्या, सुप किंवा इतर तत्सम वस्तू घ्याव्या लागतात, ते खातात किंवा पित असतात, ते हळूहळू तुमच्या शरीरात कर्करोगाचे जंतू तयार करतात.

Read full post

February 2, 2023

अभ्यंगं कारयेन्नित्यं सर्वेष्वंगेषु पुष्टिदम् ।। शिरःश्रवणपादेषु तं विशेषेण शीलयेत्॥६५

अभ्यंगाचे गुणः– अभ्यंग (अंगाला तेल लावण) रोज करावा. याचे मर्दन सर्वांगास तर करावेंच, पण विशेषकरून डोळे, कान आणि पाय या अवयवांस अभ्यंग जरूर करावा. अभ्यंगोपयोगी तैले— मोहरीचे तेल, चंदनादि . तेल, किंवा अनेक तऱ्हेच्या सुवासिक पुष्पाचे संस्कार करून सुगंधी बनविलेले तेल, रोज अंगाला लावण्यास -- योग्य असून हें तेल केव्हांही दुष्ट होत नाहीं. अभ्यंगो वातकफहच्छमशान्तिबलं सुखम् ॥ | निद्रावर्णमृदुत्वायुष्कुरुते देहपुष्टिकृत् ॥६७ अभ्यंगाचे विशेष गुण:-अभ्यंगाचे नित्य शीलना पासून वायु, कफ यांचा नाश होऊन शम, शांति, बळ आणि सुख, झोप, वर्ण आणि शरीरमार्दव हे गुण | वाढतात आणि आयुष्य व देह यांची उत्तम पुष्टि होते. अभ्यंगः शीलितो मूर्ध्नि सकलेन्द्रियतर्पकः ॥ दृष्टिपुष्टिकरो हन्ति शिरोभूमिगतान्गदान् ॥६८ केशानां बहुतां दा मृदुतां दीर्घतां तथा ॥ कृष्णतां करुते कुर्याच्छिरसः पूर्णतामपि॥ ६९ कर्णरोगा न मलं न च मन्याहनुग्रहः ॥ नोचैःश्रुतिर्न बाधिर्य स्यान्नित्यं कर्णपूरणात् ॥७० रोज अभ्यंगाचा उपयोग शिरावर केल्यास त्यापासून सर्व इंद्रियें तृप्त होतात. दृष्टीची पुष्टि उत्तम होऊन शिवाय डोक्यावर उत्पन्न होणारे सर्व विकार ( खवडे चाई, टक्कल ) वगैरे नष्ट होऊन, केस पुष्कळ, दृढ आणि मऊ, लांब आणि काळेभोर होतात; शिवाय डोक्याचेंही पूरण होतें. मस्तकास तेल चोळण्यापासून कर्णरोग, कानांतील मळ, मान, हनुवटी यांचा ग्रह होत नाहीं. शिवाय, बहिरेपणा जाऊन योग्य तऱ्हेनें ऐकूं येते

Read full post

January 14, 2023

सांधेदुखी व त्यावरील घरगुती उपाय:-

चालताना, उठताना व बसताना, काम करताना, वाकताना सांध्यांमध्ये त्रास होतो. अश्या वेळी सांधेदुखीवर घरगुती उपाय करून आराम मिळू शकतो. 1)सांधेदुखी चा त्रास असल्यास दोन चमचे बडीशोप व सुंठीचे तुकडा चार कप पाण्यामध्ये घालून एक कप राहील तो पर्यंत उकळावे व अर्धा चमचा एरंडेल तेल घालून घ्यावे. याप्रमाणे महिना भर केल्यास सांधेदुखीचा त्रास कमी होईल. 2)दोन चमचे सुंठ व दोन चमचे एरंदमुळाची भरड चार कप पाण्यात उकळावे व एक कप पाणी राहिल्यावर गळून घ्यावे. व पिऊन घ्यावे. हा काढा नियमित घेतल्यास सांधेदुखी मध्ये निश्चित आराम मिळेल. 3)निर्गुडीची पाने पाण्यामध्ये उकळून त्याच्या वाफेने सांधा शेकल्यास सुज व वेदना कमी होतात. 4)मूठभर ओवा एरंडतेल तव्यावर गरम करून सुती कापडात बांधून पोटली करावी व त्याने दुखणारा सांधा शेकावा. 5)एरंडची पाने वाफवून कुटून दुखत असलेल्या सांध्यावर बांधावे. 6)रोजची कनिक मळताना चमचाभर एरंड तेलाचे मोहन घालून केलेली पोळी किंवा फुलका खावा. याने सांधेदुखीचा व सर्व सांधे संबंधित समस्या दूर होतात. 7)सांधे दुखत असल्यास मेथीचे व डिंकाचे लाडू नियमित खाल्ल्यास फायदा होतो. रात्री उशिरा भरपेट जेवण करू नये, वजन जास्त असल्यास कमी करावे, नियमित योगासने करावी, व सकाळी चालायला जावे. असे केल्यास सांधे दुखीचा त्रास होत नाही. तीळ व आयुर्वेदिक पद्धतीने बनवलेले तेल नियमित लावल्यास व आहारामध्ये योग्य प्रमाणात साजूक तूप समाविष्ट केल्यास शरीराचे स्नेहन होऊन सांधेदुखी कमी होते.

Read full post

January 14, 2023

मसाला जास्त काळ टिकवण्यासाठी सोप्या टिप्स

आपल्या आहारात औषधी रूपात मसाले नेहमीच महत्वाची भूमिका घेतात तसेच खाद्यपदार्थांना मसाल्यांमुळे एक छान चव येते. तुमचा मसाला जितका ताजा आणि चविष्ट असेल तितका पदार्थ रूचकर होतो. मसाल्यांमुळे येणारा सुगंध तुमची भुक वाढवतो. भारतीय खाद्य संस्कृतीत निरनिराळ्या पदार्थासाठी निरनिराळा मसाला वापरण्याची पद्धत आहे. काही मसाले नेहमी वापरले जातात तर काही मसाले खास पदार्थांसाठी वापरले जातात. म्हणूनच वर्षभरासाठी अथवा महिनाभरासाठी निरनिराळे मसाले तयार करून ते साठवून ठेवावे लागतात. पावसाळ्यात अथवा हिवाळ्यात मसाले ओलाव्यामुळे खराब होऊ शकतात. यासाठी ते व्यवस्थित साठवून ठेवणं गरजेचं असतं. गोडा मसाला, काळा मसाला, गरम मसाला, कांदालसूण मसाला, मालवणी मसाला, सीकेपी मसाला, लाल मसाला असे मसाल्याचे निरनिराळे प्रकार असल्यामुळे ते साठवण्याची पद्धतही निरनिराळी असते. मसाला कोणत्या प्रकारचा आहे. यावर तो किती दिवस टिकणार आणि तो कसा टिकवायचा हे ठरत असते. चिनी माती, काचेच्या अथवा स्टीलच्या डब्यात ठेवा मसाले वर्षभर टिकवण्यासाठी ते काच, चिनी मातीची बरणी अथवा स्टिलच्या डब्यात साठवून ठेवावे. कारण काच अथवा चिनी मातीच्या बरणीत बुरशी लागण्याची शक्यता कमी असते. नेहमीचा मसाला एखाद्या छोट्या बरणीत काढावा आणि वर्षभराचा मसाला एखाद्या मोठ्या डब्यात आणि सतत हात लागणार नाही अशा ठिकाणी ठेवावा. डबा अथवा बरणीचे झाकण घट्ट असेल याची काळजी घ्यावी. कारण मसाल्याला हवा लागली तर तो लवकर खराब होऊ शकतो. उन्हात ठेवू नका मसाले तुम्ही कुठे साठवून ठेवता हे खूप महत्त्वाचे आहे. कारण मसाले ठेवलेल्या ठिकाणी जर ऊन येत असेल तर ते उन्हामुळे खराब होऊ शकतात. मसाले खराब होऊ नयेत यासाठी मसाला तयार करण्यापूर्वी

Read full post

January 12, 2023

आजच्या जीवनशैलीमध्ये रात्री ताक-लस्सी-दही खाऊ-पिऊ नये. दुध-पनीर-दुग्धजन्य पदार्थ कधीच नको. सर्दी-…

आजच्या जीवनशैलीमध्ये रात्री ताक-लस्सी-दही खाऊ-पिऊ नये. दुध-पनीर-दुग्धजन्य पदार्थ कधीच नको. सर्दी-ताप-खोकला असताना तर बिलकुलच नको. लोणी, लोणकढी तुप म्हणजे अमृतच... महत्वाचे....  दुध-पनीर-दुग्धजन्य पदार्थ हे ज्यांचे आरोग्य चांगले आहे. कोणतेही औषध चालू नाही. नियमित अन्न-पाणी-व्यायाम-योग याने स्वतःचे आरोग्य उत्तम ठेवतात. आहे. काम-रोजगार-कष्ट-घाम गाळून जगत आहेत. त्यांनी ओळखीच्या खात्रीची शेती करणार्‍या शेतकर्‍याने नैसर्गिकरीत्या पाळलेल्या प्रान्यांचे दुध-दही-लस्सी-पनीर-अंडी-चिकन-मटन खावे. मासे ताजे लगेचच त्याच दिवशी स्वतः पकडनार्‍यांनीच खावेत किंवा ओलखीच्या मासेमारी करणार्‍याच्या कडील त्याच्या गावातच खावेत. दुरुन प्रवास करुन आलेली पॅकिंग-चिल्ड-प्रिझर्व्ह केलेली कोणतीही वस्तु-ड्रिंक-फुड घातकच.  एक कप किंवा एक ग्लास तेही अनोलखी ठीकाणाहून आलेले, पॅकिंग केलेली दुध शरीरात हाडे-मांस-वजन-ताकद बनवायचे सोडून पोटात नासुन अजुनच आजारी पाडते.  एक कप किंवा एक ग्लास मध्ये तुप किती निघेल. दोनचार थेंब बस्स. त्यापेक्षा सकाली मंदाग्निवर दुध तापवुन चांगली साय आल्यावर आपोआप कोमट व्हायला सोडुन द्या. त्यानंतर सायंकालचे दुधसुद्धा असेच तापवावे. दोन्ही दुधामध्ये स्वतः रोज जपलेले विरजन अचुक मात्रेत हलुच दुधात टाकावे. पहाटेपर्यंत मस्त दही लागते. सूर्योदयाला तिकडे स्वयंपाक आणि ताक घूसलून लोण्याचा गोला काढावा. मस्त सकालच्या सम्पूर्ण जेवनामध्ये खुप चाऊन घास गिलल्यावर घोट-घोट पातल ताक प्यावे (पाण्याऐवजी) तसेच ताजे लोणी खावे. चीज-पनीर-दह्याऐवजी नक्कीच लोणी खावे. लोणी ताजेच खावे. उरलेले लोणी तुप बनविण्यासाठी भांड्यात साठवावे. हे लोणी रोज पाण्यामध्ये धुवावे लागते.

Read full post

December 28, 2022

कढीपत्त्यापासून तयार केलेला चहा आरोग्यासाठी खूप फायदेशीर आहे !!

बहुतेक लोक विविध पदार्थांमध्ये कढीपत्ता भरपूर वापरतात. कढीपत्ता जेवणाची चव वाढवण्याचे काम करतो. सांबर, डाळ, भाज्या इत्यादींमध्ये कढीपत्ता प्रामुख्याने वापरला जातो. एवढेच नाही तर लोक कढीपत्त्याचा रसही पितात. पण, आणखी एक गोष्ट आहे, जी तुम्ही या पानापासून बनवू आणि पिऊ शकता आणि ती म्हणजे कढीपत्त्यापासून बनवलेला हेल्दी चहा. होय, कढीपत्त्यापासून तयार केलेला चहा आरोग्यासाठी खूप फायदेशीर आहे. कढीपत्त्यात अनेक प्रकारचे पोषक तत्व देखील असतात, जे अनेक प्रकारच्या शारीरिक समस्यांपासून बचाव करतात. जाणून घेऊया कढीपत्त्याचा चहा पिण्याचे काय फायदे आहेत आणि तो बनवण्याची पद्धत कशी आहे. कढीपत्त्यातील पोषक घटक - कढीपत्त्यात लोह, फॉस्फरस, कॅल्शियम, व्हिटॅमिन ए (कॅरोटीन), व्हिटॅमिन सी इत्यादी अनेक प्रकारचे पोषक घटक असतात. व्हिटॅमिन सी रोगप्रतिकार शक्ती मजबूत करते. त्यामुळे कढीपत्त्याचा चहा पिणे तुमच्यासाठी खूप फायदेशीर ठरू शकते. कढीपत्ता चहाचे फायदे - 1. कढीपत्ता दक्षिण भारतात जास्त वापरला जातो. मात्र, आता बहुतांश लोकांनी त्याचा वापर सुरू केला आहे. कढीपत्त्याचा उपयोग फक्त फोडणी देण्यासाठीच केला जात नाही, तर या औषधी वनस्पतीपासून बनवलेला एक कप चहा देखील आपल्याला अनेक आरोग्यदायी फायदे देतो. 2. कढीपत्त्याचा चहा प्यायल्याने पचनक्रिया निरोगी राहते. त्यात सौम्य रेचक गुणधर्म आणि पाचक एंजाइम असतात, जे आतड्याची हालचाल सुधारतात. यामुळे पचनक्रियाही सुधारते. बद्धकोष्ठता, गॅस, जुलाब आदी समस्याही कढीपत्त्याचा चहा प्यायल्याने कमी होतात. 3. जर तुम्हाला मधुमेह असेल आणि रक्तातील साखरेची पातळी नियंत्रणात ठेवायची असेल तर तुम्ही कढीपत्ता चहाचे सेवन

Read full post

December 23, 2022

गुलाल कोणाचा ही असो डोळ्यात गेल्या नंतर नुकसान करणार...

डोळे हा अतिशय महत्त्वाचा आणि नाजूक अवयव असल्यामुळे त्याकडे विशेष लक्ष द्यावं लागतं. सध्या निवडणूकीचे वातावरण असून निवडणुकीत किंवा विजया नंतर उधळणाऱ्या गुलालाने डोळ्यांना इजा पोहचू शकते तसेच धूळ, माती, यांच्यामुळे देखील डोळ्यांना इजा पोहचू शकते. गुलाल डोळ्यात गेल्यानंतर डोळ्यांची जळजळ होणे, त्यातून पाणी येणे, डोळ्यात खुपणे असे अनेक त्रास संभवतात. त्यामुळे डोळ्याची विशेष काळजी घ्यावी लागते. तसेच अनेक वेळा प्रवासादरम्यान डोळ्यामध्ये माती किंवा कचरा जातो. अथक प्रयत्न केल्यानंतरही डोळ्यात गेलेला कचरा काढणं शक्य होत नाही. अशावेळी काही सोप्या पद्धतीने आपण डोळ्यात गेलेला कचरा काढू शकतो. डोळ्यात गुलाल किंवा कचरा गेल्यावर करा ‘हे’ उपाय १. सुती कापड पाण्यामध्ये भिजवावे. या ओल्या कापडाने डोळ्यांच्या कडा हलक्याशा दाबाव्यात. फक्त हा दाब देत असताना डोळ्यामधील कोणत्याही जागेवर जोर पडणार नाही याकडे लक्ष द्यावे. २. डोळ्यांवर गार पाणी शिंपडावे किंवा एका बशीत पाणी घेऊन १-२ सेकंदासाठी त्यात डोळा उघडझाप करावा. हे करत असतांना डोळ्यात पाणी जातं मात्र घाबरु नये. या साठी विशिष्ट आकाराचे कप ही मिळतात, ते ही वापरू शकतो. ३. अनेक वेळा पापण्यांवर धूळ साचते अशावेळी डोळ्याच्या वरच्या बाजूला असलेल्या पापण्या खालच्या पापण्यांवर ठेवाव्यात आणि डोळ्यांची हळूहळू उघडझाप करावी. ४. डोळ्यात गुलाल गेल्यास डोळ्यावर हळूवार फुंकर मारावी. ५. डोळ्यात काही गेल्यावर त्या क्षणी डोळ्यांची उघडझाप करावी. जेवढ्या लवकर तुम्ही ही कृती कराल. तेवढा डोळ्यातील गुलाल किंवा इतर कचरा दूर होण्याची शक्यता जास्त असते.

Read full post

December 23, 2022

दहीमध्ये मीठ टाकले तर ते विष बनते का?

आपल्यापैकी अनेकांना मीठ घालून दही खाण्याची सवय असते... आयुर्वेद तज्ज्ञ सांगतात की ही सवय धोकादायक आहे कारण मीठ घातल्याने दही विष बनते, या दाव्याचे सत्य काय आहे ते जाणून घेऊया. अलीकडे एकच चर्चा रंगली आहे की दही खायचे असेल तर नेहमी साखर, गूळ किंवा गोड पदार्थांसोबतच खावे. जेव्हा मायक्रोस्कोपच्या साहाय्याने दही पाहिल्यावर त्यात असंख्य जीवाणू फिरताना दिसतात. हे जीवाणू जिवंत स्थितीत आपल्या शरीरात गेले पाहिजेत, कारण जेव्हा आपण दही खातो तेव्हा आपल्यातील एन्झाइमची प्रक्रिया सुरळीत चालते. या जीवाणूंसाठी आपण दही खातो. आयुर्वेदाच्या भाषेत दही हे बॅक्टेरियाचे घर मानले जाते, एका कप दह्यामध्ये तुम्हाला करोडो बॅक्टेरिया दिसतील. दह्यामध्ये चिमूटभर मीठ घातल्यास एका मिनिटात सर्व बॅक्टेरिया मरतात आणि त्यांचे मृतदेह आपल्या शरीरात जातात ज्याचा आपल्याला काहीही उपयोग होत नाही. दह्यामध्ये चिमूटभर मीठ टाकल्यास दह्यातील सर्व जीवाणूजन्य गुणधर्म नष्ट होतात कारण मिठात असलेले रसायन हे जीवाणूंचे शत्रू असतात. आयुर्वेदात असे सांगितले आहे की दह्यामध्ये अशा गोष्टी घालाव्यात, ज्यामुळे त्यामध्ये असलेल्या बॅक्टेरियांची संख्या वाढते. दही गुळासोबत खा, गूळ घातल्याबरोबर बॅक्टेरियाची संख्येत वाढ होते आणि ते आरोग्यासाठी फायदेशीर ठरते.

Read full post

December 16, 2022

हळदीच्या सेवनाने झपाट्याने कमी होईल खराब कोलेस्ट्रॉल?

प्राचीन काळापासून हळदीचा वापर आरोग्यासाठी केला जातो. कोलेस्ट्रॉलच्या समस्येवरही हळद उपयुक्त ठरू शकते. फक्त वापरण्याची पद्धत एकदा जाणून घ्या हळद आपल्याला प्रत्येक घरामध्ये पाहायला मिळते. हळदीचा वापर सामान्यतः घरांमध्ये जेवण चवदार बनवण्यासाठी केला जातो. त्वचेचे सौंदर्य वाढवण्यापासून ते रोगप्रतिकारक शक्ती वाढवण्यासाठी हळद खूप फायदेशीर आहे. हळदीचा वापर प्राचीन काळापासून संसर्ग, जखम आणि पोटाच्या समस्यांसाठी केला जातो. हळद हा अनेक पोषक तत्वांनी समृद्ध आहे जी कर्करोग आणि मधुमेह यांसारख्या रोगांवर उपचार करण्यास मदत करते. हळदीचे आरोग्यदायी फायदे बाजारात सहज उपलब्ध आहेत आणि ती विविध प्रकारे वापरली जाऊ शकते. हळद रक्तातील कोलेस्टेरॉल नियंत्रित ठेवून हृदय निरोगी ठेवण्यास देखील मदत करू शकते. चला जाणून घेऊया हळदीचे सेवन कोलेस्टेरॉल नियंत्रित करण्यासाठी कसे उपयुक्त ठरते? हृदयविकारात फायदेशीर शरीरात उच्च कोलेस्ट्रॉल म्हणजे तुम्हाला हृदयविकाराच्या झटक्यापासून स्ट्रोकपर्यंत कोणत्याही गोष्टीचा धोका असू शकतो. अशा परिस्थितीत हळदीसोबत कोलेस्टेरॉलची पातळी राखण्यासाठी वेळोवेळी अनेक अभ्यास आणि संशोधन केले गेले आहेत.

Read full post

December 16, 2022

कडुनिबांचे फायदे..

कडूलिंब हा वृक्ष अनेक प्रकारचे औषधी गुणधर्म धारण करणारा म्हणून ओळखला जातो. हे खरे असले तरी कोणत्या विकारावर कडूलिंबाचा कसा वापर करावा, याचे ज्ञान नसल्यामुळे आपल्या आसपास अनेक झाडे असूनही आपण विविध विकारांवर त्याचा वापर करत नाही. अशा प्रकारचा वृक्ष सोडून देऊन आपण शरीरात विष निर्माण करणारी इतर औषधे वापरत बसतो. लिंबाचे इतर अनेक उपयोग बघण्यासाठी त्वचेच्या सौंदर्यासाठी काय उपयोग होतात हे बघणे मनोरंजक ठरणार आहे. शरीराच्या सौंदर्यामधला कडूलिंबाचा सर्वात मोठा वापर म्हणजे सौंदर्यपिटीका कमी करणे. तरुण मुला-मुलींमध्ये हा त्रास जाणवतो. त्यावर अनेक प्रकारची औषधे वापरली जातात. काही वेळा तारुण्यपिटिका ङ्गुटून चेहरा काळा पडतो. अशा अडचणींवर कडूलिंबांचा उपयोग होतो. कडूलिंबाची काही पाने गोळा करावीत आणि ती पाण्यात टाकावीत. पाणी गरम करावे. प्रदीर्घकाळ पाणी गरम केल्यास लिंबाच्या पानांचा हिरवेपणा कमी होतो. म्हणजेच पानांचा अर्क पाण्यात उतरलेला असतो. या पाण्याने चेहरा धुवावा. मुरुम कमी होतात. हेच असे उकळलेले पाणी स्नानाच्या पाण्यात मिसळावे किंवा बाथटबमध्ये टाकावे. त्याचा वेगळा उपयोग त्वचेला होतो. लिंबू, चंदन, हळद यांचा वापर चेहर्‍याच्या सौंदर्यासाठी होतो किंवा त्वचेच्या तुकतुकीतपणासाठी होतो. तसा कडूलिंबाचा वापर होत नाही. कडूलिंबामुळे शरीराला त्रस्त करणारे काही संसर्ग कमी होतात. म्हणजे कडूलिंब आपल्या त्वचेवरची इन्ङ्गेक्शन्स् कमी करतो आणि परिणामी इन्ङ्गेक्शन्मुळे होणारे त्रास वाचतात. आपल्या शरीरावर पडणार्‍या सुरकुत्या किंवा पांढरे छोटे डाग हे आपल्या शरीरातल्या काही प्रक्रियांमुळे पडत असतात.

Read full post

December 16, 2022

नॉक्टुरिया म्हणजे रात्री लघवी होणे हे हृदयाच्या विफलतेचे लक्षण आहे, मूत्राशयाचे नाही.

शिवपुरीचे प्रसिद्ध डॉक्टर डॉ. बन्सल स्पष्ट करतात की, नॉक्टुरिया हे खरेतर हृदय आणि मेंदूच्या रक्तप्रवाहात अडथळा येण्याचे लक्षण आहे. प्रौढ आणि वृद्ध लोकांना सर्वात जास्त त्रास होतो कारण त्यांना लघवी करण्यासाठी रात्री वारंवार उठावे लागते. झोपेचा त्रास होईल या भीतीने वडील रात्री झोपण्यापूर्वी पाणी पिण्यास टाळाटाळ करतात. पाणी प्यायले तर लघवी करण्यासाठी पुन्हा पुन्हा उठावे लागेल, असे त्यांना वाटते. त्यांना काय माहित नाही की झोपण्यापूर्वी किंवा रात्री लघवी केल्यानंतर पाणी न पिणे हे प्रौढ आणि वृद्ध लोकांमध्ये वारंवार पहाटे हृदयविकाराचा झटका किंवा स्ट्रोकचे एक महत्त्वाचे कारण आहे. खरं तर, नॉक्टुरिया म्हणजे वारंवार लघवी होणे ही मूत्राशयाच्या बिघडलेल्या कार्याची समस्या नाही. हे वयाबरोबर वृद्धांमध्ये हृदयाचे कार्य कमी झाल्यामुळे होते, कारण हृदय शरीराच्या खालच्या भागातून रक्त शोषण्यास सक्षम नाही. अशा स्थितीत दिवसा जेव्हा आपण उभे असतो तेव्हा रक्ताचा प्रवाह अधिक खालच्या दिशेने होतो. हृदय कमकुवत असल्यास हृदयातील रक्ताचे प्रमाण अपुरे पडते आणि शरीराच्या खालच्या भागावर दाब वाढतो. म्हणूनच प्रौढ आणि वृद्ध व्यक्तींना दिवसा शरीराच्या खालच्या भागात सूज येते. जेव्हा ते रात्री झोपतात तेव्हा शरीराच्या खालच्या भागाला दाबातून आराम मिळतो आणि त्यामुळे ऊतींमध्ये भरपूर पाणी साठते. हे पाणी पुन्हा रक्तात येते. जास्त पाणी असल्यास, पाणी वेगळे करण्यासाठी आणि मूत्राशयातून बाहेर ढकलण्यासाठी मूत्रपिंडांना अधिक मेहनत करावी लागते. हे नॉक्टुरियाच्या मुख्य कारणांपैकी एक आहे.

Read full post

December 1, 2022

रात्री उशीरा जेवायची सवय पडू शकते महागात...

अनेकजणांना रात्री उशीरा जेवायची सवय असते. प्रवासामध्ये होणारा उशीर, ट्रॅफिक, डेडलाईन्स, कामाचा ताण या सगळ्यामध्ये बऱ्याचदा जेवणासाठी उशीर होतो. कामामुळे कधीकधी जेवायला उशीर होणे साहजिक आहे, पण काहीजणांना रोज रात्री उशीरा जेवायची सवय लागते. पण रात्री उशीरा जेवल्यामुळे आरोग्यावर त्याचा काय परिणाम होतो हे अनेकांना माहित नसते. तज्ञांच्या मतानुसार रात्री ८ वाजल्यानंतर जेवणे आरोग्यासाठी नुकसानकारक ठरू शकते. जेवणाच्या आणि झोपण्याच्या मध्ये किमान २ तासांचे अंतर असावे. रात्री उशीरा जेवल्याने पचनाबरोबर आणखी कोणत्या समस्या उद्भवू शकतात जाणून घ्या. वजन वाढणे: रात्री उशीरा जेवल्याने वजन वाढू शकते. अनेकांना डाएट करून किंवा नियमित व्यायाम करूनही वजन कमी करण्यात यश मिळत नाही, याचे कारण रात्री उशिरा जेवणे असू शकते. रात्री जेवणाच्या आणि झोपण्याच्या मध्ये किमान २ तासांचे अंतर असावे. झोप पूर्ण न होणे : रात्री उशीरा जेवल्याने शरीरातील नैसर्गिक पचन प्रक्रियेवर त्याचा परिणाम होऊन, झोपल्यावर तुम्हाला अस्वस्थ वाटू शकते. त्यामळे झोप पूर्ण न होण्याची समस्या उद्भवू शकते. रक्तदाब अनियंत्रित होणे : रात्री उशीरा जेवल्याने रक्तदाब अनियंत्रित होण्याची शक्यता असते. तसेच यामुळे मधुमेह, कोलेस्ट्रॉल वाढणे अशा समस्याही उद्भवू शकतात. त्यामुळे रात्री उशीरा जेवणे टाळावे. पचनाशी निगडित समस्या : रात्री उशीरा जेवल्यानंतर लगेच झोपल्यामुळे पचनाशी निगडित समस्याही उद्भवू शकतात. शरीरातील ऊर्जा कमी होणे : रात्री उशीरा जेवल्याने दुसऱ्या दिवशी सकाळी बद्धकोष्ठता, डोकेदुखी किंवा इतर काही समस्या उद्भवू शकतात. त्यामुळे शरीरातील ऊर्जा कमी झाल्याचे जाणवते.

Read full post